رواية عودة رمسيس الثاني بقلم : محمود قاروب ـ الحلقة الخامسة

  • ،
رواية عودة رمسيس الثاني بقلم : محمود قاروب ـ الحلقة الخامسة
رواية عودة رمسيس الثاني بقلم الكاتب العبقري : محمود قاروب ـ روائى متميز وكاتب متمكن يكتب لنا رواية غاية فى الروعة فى مشاهد متكاملة , الكاتب محمود قاروب نقدم لكم روايته عودة رمسيس الثاني لمصر فى العصر الحديث , قصة ورواية احترافية يسرد فيها الاحداث ويعالج فيها المتغيرات الحديثة فى الدولة المصرية فى صورة درامية , يصور لنا ماذا لو كان رمسيس الثاني موجودا الأن , وتميزت الرواية بالوسطية بين الإمتاع والإقناع، فقد ركَّز الكاتب على الإمتاع مع إقناع القارئ بأن فعلا رمسيس الثاني عاد الى الحياة فى عصرنا الحديث


المقدمة:  

رواية عودة رمسيس الثاني بقلم الكاتب العبقري : محمود قاروب ـ روائى متميز وكاتب متمكن يكتب لنا رواية غاية فى الروعة فى مشاهد متكاملة , الكاتب محمود قاروب نقدم لكم روايته عودة رمسيس الثاني لمصر فى العصر الحديث , قصة ورواية احترافية يسرد فيها الاحداث ويعالج فيها المتغيرات الحديثة فى الدولة المصرية فى صورة درامية , يصور لنا ماذا لو كان رمسيس الثاني موجودا الأن , وتميزت الرواية بالوسطية بين الإمتاع والإقناع، فقد ركَّز الكاتب على الإمتاع مع إقناع القارئ بأن فعلا رمسيس الثاني عاد الى الحياة فى عصرنا الحديث 


اضغط هنا لعرض : باقى حلقات رواية عودة رمسيس الثاني بقلم : محمود قاروب

رواية عودة رمسيس الثاني بقلم : محمود قاروب ـ الحلقة الخامسة


The Return of Ramses II by Mahmoud Karoub


الحلقه الخامسة
رواية عوده رمسيس الثانى 
تاليف :- محمود قاروب 

مشهد 10 

شروق الشمس ينبعث ليوم جديد ....تستعد ام عادل بتجهيز الفطور وتساعدها شهد بتحضير الاطباق وتستيقظ مني مرهقه غير مكتفيه من نومها ولكن تريد ان تستكمل مغامرتها ويقوم عادل من نومه من على الاريكه ويطرق الباب على الملك 

الملك :- تفضل 

عادل :صباح الخير

الملك :- عمت صباحا عادل 

عادل :- طبعا من دلوقتى هبدا اقولك يا سامي علشان تتعود على الاسم علشان لو حد سالك 

الملك :- بالطبع... فانا اتفهم الامر 

تتدخل مني عليهم الغرفه

مني :- صباح الخير

الملك :- عمت صباحا يا اميرتى

مني :- ماما بتقولكم الفطار جاهز اتفضلو

الملك :- انا اريد ان اشكركم جدااا واتمني ان تاتو معي الى عالمي حتى استطيع ان ارد لكم الجميل ساجعلك يامني اميرتى محبوبتى بمسابه زوجتى ومحبوبتى نفرتاري واجعلك انت ياعادل وزيري الخاص 

عادل مقاطعا الملك :- لا شكرا يا عم ...ولا نجيلك ولا تجاملنا ...احنا كده زي الفل ...انت عايزنى اعيش فى وقت ولا فيه موبيلات ولا نت ولا تلفزيون ولا عربيات دي مش عيشه دي انا مش عارف انتو كنتو عايشين كده ازاى 

الملك :- كنا نحي من اجلكم ........فلمن انتم تحيون ..... غزونا اعدائنا وقضينا على كل من يريد بتلك البلد بسوء ...فماذا انتم فعلتم؟

مني :- فين بلدنا اصلا 

عادل ضاحكا على رائيك والله يا مني امال لو عرف ان تماثيله وحضراته اللى فرحان بيها دي هتروح 

الملك :- ماذا واين ؟

مني :- احكيلك ....فى بلد اسمها عربيه 
عادل :- ومحندقه كده 
مني :- المهم بقه عايزين ياخدو الاثار بتاعت الفراعنه ياجروها بمبلغ كبير

الملك يتحدث مع عادل ماذا تعنى ياجروها

عادل :- يخدوه االتماثيل والمومياه والاهرامات شويه ويدفعو فلوس

الملك :- الهذا حد وصل البلاء الى ابنائي

مني :- بس مش عايشين فى مجاعه يعني 

الملك :- كيف ...وانتم تعطون تاريخكم لغيركم ........اريد ان اذهب من عالمكم حتى وان قمت بقتل نفسي بالسم 

عادل :- لا استنى بس هنروح سوه الاهرامات وزي ما انت قولت ممكن نعرف حل للموضوع ده 

الملك :- هيا بنا 

مني :- طيب تفطر الاول 

الملك :- لا اريد ان اكل اريد فقط ان ارحل 

عادل :-طيب هنقوم ناكل بسرعه ونلبس وننزل ماشي يا سااامي

الملك مبتسما :- امرك مطاع عادل 

فيقومو الى سفره الطعام وما زالت شهد تتضحك من الامس وسعيده بما يدور الملك رمسيس اللى فى كتاب التاريخ عندها 

الملك :- محبوبتى عمتى صباحا 

شهد :- ده اللى هو ازاى يعنى ؟

الحج حمدان وام عادل يردان تحيه الصباح ...صباح النور يابنى اتفضل الاكل

الملك :- ما اريد سوي الرحيل 

الحج حمدان :- والله مايحصل لازم تاكل معانا لقمه 

الملك :- امركم 

ويقومو بتناول وجبه الافطار ثم ينتهون من الطعام ويتم وضع الشاي فتقوم شهد باحضار هاتفها النقال 

شهد :-والنبى اتصور معاك 

ام حمدان :- بس يا شهد عيب 

شهد :- والنبى يا ماما والنبى 

الملك :- ما تريدين محببوتى 

شهد :- نتصور 

الملك :- ماذا تعنى ....متحدثا عادل 

عادل :- والله زي ما تقول كده ... فى الاله دي رسام يرسم وجهكم فى اقل وقت ممكن 

الملك:- مبتسما اريد ان اري هذا 

فتقوم العائله اجمعها بالتصوير مع الملك كل منهم على حده ثم يقومو الجميع بالتصوير معاه فى صوره واحده وباشكال مختلفه حتى يتم الرحيل والملك سعيد من هذه الاله الغريبه التى ترسم وجه فى اقل وقت ثم يبداون فى الرحيل وتقوم العائله بتوديع الملك لعلها اخر مره يروه وتقوم شهد بالوقوف على الاريكه مخاطبه نفسها 

شهد :- رمسيس عندنا ولا حد زينا هيه ....رمسيس عندنا ولا حد زينا هيه 

فيضحك الجميع والملك من بينهم ثم يغادرون المكان 

مشهد 11 
نهار خارجي 

يركبون التاكسي والملك هادي جدااا ينظر حوله وينظر الى برج القاهره ونادي الجزيره والى الكباري ....

الملك :- كيف لديكم كل هذه الحضارات الحديثه وتريدون ان تعطو تاريخنا وتاريخكم الى غيركم 
مني وعادل ينظرون بعضهم البعض 

عادل :- نتكلم فى الموضوع ده لما ننزل 

السائق :- والله الاستاذ عنده حق منهم لله اللى خربو البلد 

الملك :- من دمرها وانا اقتله بسيفى ؟

مني :- ابوس ايدك اسكت ...ابوس ايدك

الملك :- امرك اميرتى 

مشهد الى الاهرامات من بعيد ويسعد الملك بروئيتها فما ذالت بمكانها لم ياخذها احد 
مشهد اخر لمنطقه الاهرامات وعادل ومني والملك بداخل المنطقه 

الملك :- ارايتى حضارتنا يا مني 

مني :- مش انا بس ده العالم كله ...بس فى ناس بيقولو انها بنيت من السخريه وموت العبيد 

الملك :- من هولاء الذين يحاولون دائما بتسويد تاريخكم وجعله عار عليكم 

مني :- بعض علماء الغرب 

الملك :- مني ...انتم اعلم بحضراتكم وليس هولاء ....دستور حكمنا ان الملك يملك كل الارض وهذا قوانين البلاد لا تلومي به الملك فلومي الشعب لانه هو دائما ما يوافق ويرضي بتلك القوانين 

عادل مقاطعا :- ايوه زي قواننا اللى بتخلى لااصحاب السلطات نفوذ وقوه لا مثيل لها واحنا رحنا عملنا نعم للدستور 

واذا بفوج سياحي اسرائيلى يشاهدون الاهرامات ويتصورون بجوارها ويتكلم احدهم مع الاخر فيعلم الملك من لغتهم انهم من بنى اسرائيل فيسرع الملك نحوهم 

الملك :- احمدك ربى احمدك ..........وجد خدامي وجدتهم يامني 
مني :- يانهر اااابيض ......أرجع يا رمس...ياااسامي ...يا سامي 
الملك :- يذهب الى الاسرائلين :- خدامي ....ااااه تعبت كثيرا ... وهولاء النبلاء هم من قامو بواجب الضيافه اين كنتم اتيتم من عالمي حتى تخدمونى حقا 

لا يفقهو اليهود ما يقوله هذا الشخص ولكنهم خشيو منه فاخذو بالصراخ حتى اتت شرطه السياحه واخذو الملك وعادل ومني 

مشهد 12
نهار داخلي
لمبنى الامن الوطن والظابط عصام يقوم من مجلسه ويرتدي جاكت بدلته يستعد بالرحيل فاذا بالعسكري جاب الله يطرق بابه ويدخل عليه 

جاب الله :- يا باشا فى تلاته جايين من شرطه السياحه كانو بيعتدو على فوج اسرائيلى 

عصام :- اهلااااااا ...دخلهملى 

يدخل الملك متقدما وتليه مني ومن بعدهم عادل 

عصام :- هو انتو ......... انا لسه مروحتش بتنا ولا غيرت مكانى 

مني :- يا حضرت الظابط ...

عادل مقاطعا مني ....اخرسي دلوقتى ومين الضيف الجديد ده 

عادل :- انا عادل حمدان اخو مني 

الظابط :- يعنى تشكيل عصابى منك لبعضيكم 

الملك بشده وغضب:- ماذا يحدث

عصام :- انت بتعلى صوتك فى وجودي انت لسه يالااا عامل دماغ من امبارح ...دي شكلها دماغ عاليه اوووي

عادل :- يا بيه ممكن اتكلم بعد ازنك 

عصام لا متخفش ما احنا هنتكلم بس بدال ما فيهاش نوم تقدرو تقعدو معانا شويه لغايه ما انملى ساعتين وافوق ليكم ........يا جاب الله 

يدخل جاب الله مسرعا 

العسكري :- تمام يا فندم

عصام :- خد البهوات على مكتب محمد باشا لغايه ما اقولك تجبهم ... وما حدش يقرب لهم لانها شكلها هتبقه قضيه راي عام وامن وطني 

يذهب الثلاثه مع جاب الله فى المكتب 

مشهد 13 

مكتب اخر متشابه لحد ما الى مكتب الظابط عصام ويغلق العسكري عليهم باب المكتب 

عادل متحدثا للملك :- ايه بس اللى انت عملته ده ؟
الملك :- انا سعيد يا عادل ...لم اعود بمفرتى بل عاد خدامي وحاشيتى
مني تتحدث معه وهي توشك ان تصدق كلام الملك :- هو انت تعرفهم بجد ...يعنى دول بجد خدامك 
الملك :- انا ملك مصر لدي من الخدم اليهود الكثير فاكثر خدامي من ال اسرائيل 

مني لخيبه امل :- يعنى دول مش خدامك ؟

الملك :- لا انهم خدامي انهم ال اسرائيل 

عادل :- يا جلاله الملك افهمك ....وقتك غير وقتنا .....اسرائيل دلوقتى غير زمان ....زمان كانو خدام دلوقتى اصبحو اسياد 

الملك :- اسياد على من ؟

مني :- والنبى بلاش السيره دي المهم انهم دلوقتى مش خدام حضرتك 

كل هذا ولا يعلم الجميع ان تلك الغرفه ليست الا غرفه مراقبه والظابط عصام ينظر لحديثهم بكل استغراب واندهاش ومعه مجموعه من ظباط الامن الوطني 

عصام :- ايه الكلام ده ........يعنى ايه ؟

احد الظباط (ا):- والله حضرتك انا شايف الكلام ده حاجه من تلاته 

عصام :- ايه هما ؟

احد الظباط(ا) :- اما ان يكون التلاته دول عصابه بس اذكياء جداا لدرجه انهم لما قعدو مع بعضهم حسو انهم مترقبين فكملو المسلسل بتاعهم ده 

عصام :- ها

احد الظباط (ا):- يااما حضرتك الراجل ده اللى مسمي نفسه رمسيس التانى نصاب وضاحك على العيال دول ....وياما بقه فعلا حارس المتحف على حق وده رمسيس ورجع والناس دي بتحاول تساعده 

عصام :- يا جــــــــــــاب الله 

العسكري :- تمام يا فندم 

عصام :- هاتهملى .....لإيقوم جميع الظباط بمغادره المكتب بدخول الثلاثه 

عادل :- والله يا بيه 

عصام مقاطعا كلام عادل :- بس يا عادل انت اكيد سمعت ان الامن الوطني جزء لا يتجزء عن امن الدوله ....وطبعا فى الافلام وكلام الناس ان كلنا ولاد كلب ....بس احب اقولك انا غيرهم ...ياريت اعرف الموضوع علشان اقدر اساعدكم ...لانكم انتم فعلا كده لبستو قضيه امن وطني وش 

مني :- احكي لحضرتك 

مشهد للثلاثه يتحدثون مع الملك بملامح كلها صدق من الظابط وينظر للملك والملك يروي ما حدث من الكهنه وما اتى به هنا 


عصام يضع يده على راسه :- يااااااربى ده خيال ومش علمي كمان 

الملك:- ليس من المهم ان اعود الى وقتى بل اريد ان لا يصيب احدا منهم بسوء 

عصام :- احنا مش بنئذي حد 

الملك :- أأمل فى ذلك 

عصام :- دلوقتى علشان اقدر اساعدك مش هينفع تروحو لغايه ما نشوف الحل في الموضوع ده بس اوعدكم اني مش هخليكم هنا كتير 

عادل :- طيب ممكن اطمن اهلى 

عصام :- التليفونات مش هتتاخد منكم ...بس ياريت تكونو على قدر المسئوليه والثقه دي 

مني :- فعلا مش كل الناس وحشه ولا كل الناس حلوه 

عصام مبتسما مناديا العسكري لكي ياخذهم الى غرفه خاصه 

عصام :- محدش يقربلهم ومحدش يضايقهم واي حاجه يطلبوها هتهلهم ..

العسكري :- امرك يا فندم 

ياخذ الظابط عصام بفتح التلفاز ويجلس على الكمبيوتر الخاص به وياخذ الاهتمام بالامر ويبحث عن اراء العلماء 

وبمشهد اخر
يجلس الملك ومني وعادل بالتفكير واذا بالملك يتذكر .........

مشهد14
ليل داخلى داخل المعبد الخاص للملك جالسا على العرش وبجواره الكاهن الاعظم ويجبره بتعويذته 

الملك :- معنى ذلك انى ساعود للحياه والخلود من جديد 

الكاهن :- بالطبع مولاي 

الملك :- وتعتقد متى ستتعامد الشمس على وجه تمثالى 3 ايام متتاليه 

الكاهن :- ليس بالبعيد يا مولاي ربما عام او اثنان بالكثير 

الملك :- اخشي ان لا ينجح عملك 

الكاهن :- لا سوف ينجح مولاي ...كل ما اخشاه هي نقطه واحده 

الملك :- وما هي تلك النقطه ؟

الكاهن :- ان يتاخر تعامد شمس لوقت بعيد 

الملك :-وانا اخشي شي ايضا 

الكاهن :- ما هو يا مولاي ؟

الملك :- ان اقتلك الان 

الكاهن :- لا سيدي فانا لدي حل لتلك المشكله ...فارجوك اسمع مني 

الملك :- تكلم ولك الامان 

الكاهن :- اذا ذهبت لزمن بعيد بعد الموت ...وارد ان تعود لزمننا هذا فسوف تتطبق ما فى هذه البرديه ....وستعود كانك كنت نائما فاستيقظت وتمضي باقى عمرك فى خلود 

الملك :- اتنى بها 

الكاهن :- وما حجتك بها فستكون بين يد الكاهن الاعظم وامون فانا سدفنها لك بمعبد جدك المعظم رمسيس الاول بالكرنك .... سادفنها تحت اول كبش من الباب الرئيسي للمعبد 


الملك :- وما بها ؟وكيف اقوم بذلك 

الكاهن :- ستعلم ذلك وقتها يامولاي فلا حاجه لنا بها الا اذا عودت من جديد فى زمن بعيد ... ولكن اخشي عليك 

الملك :- من ماذا ؟

الكاهن :- لا شي مولاي لا شي اتمنى من الاله امون ان تعود الينا سريعا 

الملك يفيق من تفكيره 

الملك :- وجدتها وجدتها 

مني وعادل :- ايـــــــــه ؟

الملك :- عند معبد الكرنك حل اللغز 

مني :- يلا بينا قبل ما يبعووووووووووه 

عادل بكل سعاده :-...يا حضره الظابط ...يا حضره الظابط ....احنا بتوع الكرنك يااخونا 

انتظرو الحلقه الاخير 


اضغط هنا لعرض : باقى حلقات رواية عودة رمسيس الثاني بقلم : محمود قاروب


رسالة ورؤية موقع بوابات كوم


موقع بوابات كوم يحتوى على كثير من المقالات والدروس في عدة مجالات كالعمل الحر والربح من الانترنت والمجالات التعليمية والصحية والرياضية وكذلك مجال شروحات البرمجة والكثير من التصنيفات المختلفة والتي تُغني من يريد انشاء موقع نموذجى رائد عن طرح الاستفسارات والاسئلة التي تتعلق بعالم الإنترنت كما يتميز موقع بوابات كوم أن له فريقً مهمته هي مراجعة كل المقالات المطروحة عليه ولا يتم نشر أي مقال في حالة كان مكررًا أو عديم الفائدة؛ لذلك أي مقال سوف تجده على موقع بوابات كوم سيقدم لك معلومات هامة كتبها مطورون بارعون في أعمالهم، وراجعها ورائهم فريقًا مميزا متخصصا.




شاهد ايضاً الأدب التاريخ
المزيد من الأدب
المزيد من التاريخ