رواية عودة رمسيس الثاني بقلم : محمود قاروب ـ الحلقة الثالثة

  • ،
رواية عودة رمسيس الثاني بقلم : محمود قاروب ـ الحلقة الثالثة
اضغط هنا لعرض : باقى حلقات رواية عودة رمسيس الثاني بقلم : محمود قاروب


المقدمة:  

رواية عودة رمسيس الثاني بقلم الكاتب العبقري : محمود قاروب ـ روائى متميز وكاتب متمكن يكتب لنا رواية غاية فى الروعة فى مشاهد متكاملة , الكاتب محمود قاروب نقدم لكم روايته عودة رمسيس الثاني لمصر فى العصر الحديث , قصة ورواية احترافية يسرد فيها الاحداث ويعالج فيها المتغيرات الحديثة فى الدولة المصرية فى صورة درامية , يصور لنا ماذا لو كان رمسيس الثاني موجودا الأن , وتميزت الرواية بالوسطية بين الإمتاع والإقناع، فقد ركَّز الكاتب على الإمتاع مع إقناع القارئ بأن فعلا رمسيس الثاني عاد الى الحياة فى عصرنا الحديث 


اضغط هنا لعرض : باقى حلقات رواية عودة رمسيس الثاني بقلم : محمود قاروب

رواية عودة رمسيس الثاني بقلم : محمود قاروب


The Return of Ramses II by Mahmoud Karoub

كيف تتقن فن كتابة السيناريو بطرق بسيطه وبشرح موجز

الحلقه الثالثة
عوده رمسيس الثانى 
تاليف :- محمود قاروب 


مشهد 6 ليل داخلى داخل القسم 


فتنتبه مني الى الظابط عصام وينظر له الملك نظره كلها سذاجه لا يعلم ماذا يقصد الظابط من تلك الكلمات هل هي حقيقه ام سخريه 

عصام :- ياريت نسمع بعض شويه علشان تغورو من وشي 
مني :- ياااريت حضرتك تعاملنا كويس 
الملك :- اه 
عصام :- بسم الله ما شاء الله عليكم شكلكو مش مروحين النهارده 
الملك :- لا ارجوك فانا اشعر بالجوع واريد انا اكل بعض من الشعير 
عصام :- ما تفووق يااااابنى بقه ....انت واخد ايه بالظبط 
الملك :- ما اخذت سوي هذه الملابس التى يرتدي مثلها كل العباد
عصام :- طيب زرر الزراير 
الملك :- ماذا ؟ 
عصام :- زرر زرارير البنطلون 
الملك :- اتلك الكلمات تعويذه ...ام ماذا ؟..........ماذا يقول هذا الفتى يا شنى 
مني :- اسمي مني 
عصام :- انتو جايين تتعرفو على بعض هنا ..........وانا فتى ؟ يا نهر ابوك اسوح والله لولا التعليمات انى اسبكم ما كنت سبتكم فى ليلتكم 
زهور :- والنبى يا مني اسكتى عايزين نروح 
مني :- ادينى سكت 
عصام يتحدث مع مساعده لكي يكتب 
عصام :- يتم اخلاء سبيلهم بضمان محل اقامتهم ............اتمنى مشفش الخلق دي تانى 


كل الموجدين يهنئون بعض بانهم سيعودو بالسلامه 


عصام موجها حديثه للملك :- انت ساكن فين 
رمسيس :- طيبه معبد الاله امون
عصام بكل غضب .........غور من وشي حررررررام عليك 

يجري الملك مهرولا من مكتب الظابط ويحاول العساكر ان يمسكوه فيقول الظابط عصام سبوووه سبوووه دي عيشه تزهق واتفضلو يا بهوات 



مشهد 7 ليل خارجي من امام الامن الوطنيه 


الملك رمسيس خائف من السيارات التى تسير باسرع سرعه ولا يعلم ما هذه الاشياء الغريبه ويحاول ان يتفداها ثم يخشي ان يمر الطريق فيرجع من جديد وما زال ممسكا ببنطاله وقميصه حيث انه لم يعلم حتى الان ماذا تعنى كلمه زرر زراير البنطلون فاذا شاب من هولاء الشباب المطلق سراحهم من الامن يدعي محمد يقف مع الملك ويتحدث معه وتقف مني وزهور من بعيد يترقبو الموقف وباقى الاصدقاء يركبون اتوبيس نقل ليعودو الى منازلهم 

محمد :- ممكن اساعدك ؟
رمسيس :- لك هذا الشرف العظيم 
محمد مستغربا :- نعم؟؟؟
رمسيس متقطعه حروفه :- ا..ا...تم...ني ذلك 
محمد :- قميصك وبنطلونك بحاله جيده...ليه مش بتزرر الزراير
رمسيس :- انت ايضا تقول تلك التعويذه 
محمد :- تعويذه ايه ياعم فيقوم محمد بهذا العمل فينظر الملك الى لبسه الجديد وهو سعيد انه قد حلت مشكله ملبسه ويستطيع ان يسير دون ان يمسك ملابسه خوفا من ان تقع منه وياخذ يضع يده على ملبسه وهو سعيد

محمد :- تعالى اعرفك على اصحابى وياخذو بالسير اتجاه مني وزهورفى الوقت التى تتحدث مني مع زهور 

مني :- يابنتى والله زي ما بقولك الراجل ده شبه تمثال رمسيس الثانى 
زهور :- يابنتى بطلى تخلف بقه ...ايه يامني دماغكك اكبر من كده بكتير 
مني :- انا عارفه انى بقول كلام مش يتصدق وعارفه انه يا مجنون يا مدعي الجنون علشان يخرج بس ده ميمنعش انه برضه شبه 
زهور :- طيب اسكتى اسكتى احسن محمد ورمسيس جاي 
تتضحك مني وزهور وينطقون فى نفس واحد ...اخره اللى يبقه كليه اثار ويخش سياسه 

ينضم الملك ومحمد الى مني وزهور وما زال الملك يلتفت حوله خوفا من السيارات 

الملك متعجبا :- ياللعجب ..كيف يسير التابوت بهذه السرعه ومن اخترعها

مني وزهور ومحمد يضحكون من كلام الملك فيرن هاتف مني وهي تتضع نفس نغمه حارس المتحف لمحمد منير

الملك :- وما هذا الصوت وما مصدره ؟ 

فتخرج مني هاتفها وتتحدث مع امها فى ذات الوقت الذي يحاول ان يجري الملك من امامهم وهو يصرخ :- اهذه الحديده المتكلمه مره اخري انها ملعونه القى بها يامني على الارض القى بها 

محمد يحاول تهديه الملك حتى تستطيع ان ترد مني على امها 

مني :- ايوه يا ماما ........ اه يا حبيبتى خرجت بالسلامه وجايه دلوقتى .......لا والنبى ....خلاص بقه متعيطيش .... والله جايه بسرعه ........معايا محمد وزهور ورمسيس.. وتتضحك مني ...__ ولا تهتم امها بالاسم لعلى يكون صديق مسيحي بهذا الاسم__ خلاص يا ماما جايه على طول 

ياخذ الملك رمسيس هاتفها وياخذ يقلب به ويقول ما اسمه ؟
محمد مهاود للملك :- تليفون محمول ان شاء الله 
رمسيس :- ومن اين اتيتم به ؟
محمد :- الصين 
رمسيس :- اين تلك المنطقه ....ليس فى مصر العليا او السفلى منطقه بهذا الاسم فانا ملك مصر واعرف كل منطقه تحت حكمي 
محمد :- لا ...دي بلد كده فى اخر الدنيا وهي اللى بتجبلنا الحاجات دي كله صينى صينى حتى البنات بقو صينى 

مني :- والنبى سبكو من الصين واسيوبيا انا عايزه اروح علشان امي 

محمد :- خلاص يلا بينا 
زهور :- اه فعلا احنا اتاخرنا انا مش عرفه اصلا هقولهم سبب التاخير ايه وموبيلى فاصل شحن من الصبح 

الملك ينظر اليهم ويريد ان يعرف مسيره فى هذا العالم الغريب ولكنه اكتشف من تلك المحادثات انه فعلا فى مصر فى دولته التى كان يملك كل شبر بها ولكن الكهنه قد قامو بالحساب خطا فبدل من ان يحي بعد عام بتعامد الشمس ثلاثه ايام متتاليه فلن يحدث هذا الا بعد 3225 سنه من تاريخ وفاته حيث انه توفى فى عام 1212 فكانت فتره ليست بالقصيره ولكنها كبيره جدااااااااااا لتغير مجري الحياه فقد اتت بها حضرات وظهرت دول واختفت دول ولما يتبقى شاهد على هذا العصر الا الملك رمسيس 

محمد مقاطعا تفكير الملك :- وانت هتروح على فين ؟
الملك :- لست ادري 
مني متحدثه مع محمد :- انت يامحمد طبعا مسافر طنطا مش هينفع تاخده معاك لغايه ما نشوف الموضوع ده 

محمد :- مانتى عرفه يا مني ؟ اكيد طبعا 

مني طيب ثوانى :- تمسك هاتفها وتتحدث مع اخيها عادل 

مني :- الوووو .... ايوه يا عادل ...بقولك ايه فى واحد معايا انا ومحمد وزهور شكله فاقد الذاكره والصراحه صعبان عليا ومحمد انت عارفه مش من هنا من طنطا ممكن ياعادل يجي معايا ....... يعنى فكرك محدش هيعترض ......والله طيب كويس خليه بقه معاك اليومين الاجازه دول من شغلك وهخلى محمد يوصلنا لغايه اول الشارع وانت تيجي تاخدنا .....طيب قول لماما بقه علشان تحضر عشا 

الملك :-اهذا الشي يدعي ماما ...ام عادل .....وكيف هذا كله 

مني :- بص بقه ياعم رمسيس ....احنا دلوقتى هنروح البيت ..انت تقعد مع عادل اخويا وهو هيفهمك كل حاجه ...لانى وربنا دماغي مش فيا وخلااااااص نفسي انااااااااااملى يومين تلاته 

الملك :- شكرا لكي اميرتى .......هل سنسير الى داركم بالجواد ام سيرا على الاقدام 

مني :- لا هناخد تابوت يودينا لغايه البيت ماشي يا حج 

زهور ومحمد يضحكون .... ويبتسم الملك ابتسامه لا يعلم ماذا يقصدونه من هذا الكلام ولكن كل ما يعلمه انه يريد ان ياكل وان مني لديها اكل فيجب ان يصمت حتى ياكل ويفهم اكثر ما يدور حوله 

فيقوم محمد بايقاف تاكسي ويركب الملك بالكرسي بالمقدمه حيث اشار محمد لذلك وركبو هم بالخلف وسارت السياره واخذ يصرخ الملك من النافذه يحاول الخروج خوفا من التابوت هذا وتحاول زهوران تهديه وتقوم مني بتهديده ان لم يصمت لم يتم استقباله فى منزل عائلتها فيحاول ان يصمت الملك وينظر بعينه يمينا وشمال وكلها رعب


مشهد 8 ليل خارجي 


يتم ايقاف التاكسي امام احدي الشوارع الشعبيه ويكون عادل منتظرا حتى يري مني تنزل من التاكسي فيذهب اليها ومحمد ينزل من باب السياره ويعطي للسائق اجرته ويرحل سائق التاكسي

عادل :- ازيك يا محمد ازيك يا زهور اهلا يا استاذ ........ايه يامني مش هنبطل ام السياسه دي بقه ...خدنا ايه منها علشان نضيع مستقبلنا علشنها ياريت نعقل 

محمد :- والله ياعادل خدنا كتييير .... ولو كانو اللى بيحكمونا عندهم زمه كنا خدنا اكتر من كده بس للاسف يا صاحبي هما بيحطو كل حقنا فى كرشهم 

عادل :- طيب واخرتها يا محمد 

مني مقاطعا الحوار :- اخرتها يا عادل انى يامه اجيب حق الشهداء يااما اموت زيهم وانا قولتلك مليون مره مش هسكت على الظلم ده وتتركهم مني باكيه ذاهبه الى منزلها 

عادل :- والله يامحمد انا بحب البلد دي اوووي وبعمل علشانها كتير انا بشتغل وبتعب علشان ابنى البلد دي 

محمد :- لا يعادل اسمحلى انت بتشتغل علشان تاخد فلوس لو شغلك ده مش فلوس كويسه كنت هتشتغله .؟

عادل :- يعنى هو انا لازم انزل التحرير علشان اكون بحب البلد دي يعني 

محمد :- انا مقولتش كده ..بس على الاقل تعرف اننا مش بنكره البلد دي ولا عايزينها تخرب يا عادل كل واحد بيحب البلد دي بطريقته 

عادل :- بس بعجله الانتاج نبنى الامجاد .......ولا ايه يا استاذ مخاطبا الملك 

محمد :- لا سيبك من الاستاذ ده مش من هنا 

عادل :- امال منين الاستاذ ...؟

محمد :- من الاسره التاسعه عشر 

عادل :- يا راجل مش تتمهزق بالراجل ده شكله حد محترم ......هو حضرتك ساكت ليه ...مقاطعا سرحان الملك؟

الملك :- نعم ؟

عادل :- حضرتك مش معانا خالص ..انا عادل اخو مني ....وحضرتك .؟

الملك :- رمسيس ابن سيتى الاول ملك مصر 

عادل مستغربا :- نعم

محمد :- ما انا قولتلك ده مش من هنا ده من الاسره ال 19

عادل ومحمد يضحكون 

عادل مستهزء :- طيب انا هاخد جلاله الملك يروح معايا وانت يادوب تروح توصل زهور وتروح بتكم ياعم المناضل 

محمد :- تمام يا جميل ......وياريت مش تتضايق من مني وقرب لفكرها شويه يا عادل 

عادل :- ان شاء الله ...سلام يامحمد
محمد :- سلام ياعادل 
عادل :- سلام يا زهور اسف لتعطيلك 
زهور :- لا ولا يهمك يا عادل يعنى هي جت عليك سلام 

يقوم محمد وزهور بالذهاب بحثا عن اي وسيله مواصلات .... وياخذ عادل الملك لكي يذهب بيه الى بيتهم لكي يقضي معه الليله حتى يري ما فى امره 


مشهد 9من داخل بيت مني ليل داخلى 


عادل يفتح الباب بمفاتيحه الخاصه وتعلم الملك ان لا يتعجب مما يري فهو فى عالم اخر فلا داعي للتعجب فهو ذات نفسه اعجوبه فى هذا الزمن 

عادل :- اتفضل يا استاذ رمسيس 
الملك :- اشكرك
عادل يقوم بتعريف الملك على عائلته المضايفه الجاعله بيتهم مفتوح لكل شخص يريد مأوي طالما مع الاصول الشرقيه وبحضور اخوات مني الشباب عادل وسامي 

عادل :- هذا ولدي الحاج حمدان والدي ووالد مني ....وهذه امى ....وهذا اخي الاصغر سامي .... وهذه اختنا الصغيره شهد دلوعه البيت 
الملك :- يسلم على كل الحاضرين فينظر بعينه يجد الطعام فينظر اليه فيشعر الجميع بمدي جوع رمسيس
عادل :- طيب تعالى ناكل لقمه مع بعض 
الملك :- يجلس بدون انتظار وياكل بسرعه جدااا ولكن بذات الوقت بتادب 

ويحاول الجميع ان لا ياكلو الكثير حتى ياكل الملك ويشبع فهو ضيفهم ووجب عليهم تكريمه حتى انتهي الملك من الطعام وانتهي الطعام 

عادل :- تحب تشرب شي 
الملك :- نعم اريد نبيذ
يضحك عادل وسامي 

سامي :- شكلنا هننزل سوه على شارع الهرم 
الملك كانه وجد طوق نجاه :- نعم نعم اريد ان اذهب للهرم 
ام عادل :- يابنى شارع الهرم ده وحش وحرام اللى يروح عنده 
الملك :- لماذا ؟
ام عادل :- بيقولو ياابنى فيه طبل ورقص ومغني وخمره هناك
الملك :- نعـــم انه يوم الزينه 
عادل :- ياليله بيضه ..........هي فين مني ياامي 
ام عادل:- جت يا حبه عينه تعبانه فنامت 
الملك :- نعم اريد ان ارتخي على الفراش وغدا نري ما سنفعل ...لابد ان اعود من حيث اتيت ...ولكن بعد الراااااااحه 
ام عادل :- تروح بالسلامه يابنى 
عادل :- طيب تعالى اغسل ايديك ...... وبعدين نخش ننام وبكره يحلها الحلال


اضغط هنا لعرض : باقى حلقات رواية عودة رمسيس الثاني بقلم : محمود قاروب


رسالة ورؤية موقع بوابات كوم

موقع بوابات كوم يحتوى على كثير من المقالات والدروس في عدة مجالات كالعمل الحر والربح من الانترنت والمجالات التعليمية والصحية والرياضية وكذلك مجال شروحات البرمجة والكثير من التصنيفات المختلفة والتي تُغني من يريد انشاء موقع نموذجى رائد عن طرح الاستفسارات والاسئلة التي تتعلق بعالم الإنترنت كما يتميز موقع بوابات كوم أن له فريقً مهمته هي مراجعة كل المقالات المطروحة عليه ولا يتم نشر أي مقال في حالة كان مكررًا أو عديم الفائدة؛ لذلك أي مقال سوف تجده على موقع بوابات كوم سيقدم لك معلومات هامة كتبها مطورون بارعون في أعمالهم، وراجعها ورائهم فريقًا مميزا متخصصا.




شاهد ايضاً الأدب التاريخ
المزيد من الأدب
المزيد من التاريخ